శుక్ర మౌఢమి 2025-2026: తేదీలు, నియమాలు మరియు చేయకూడని పనులు
హిందూ ధర్మశాస్త్రం మరియు జ్యోతిష్య శాస్త్రం ప్రకారం, ఏదైనా శుభకార్యం చేయడానికి "ముహూర్తం" నిర్ణయించేటప్పుడు గురు, శుక్ర గ్రహాల స్థితి అత్యంత కీలకం. శుక్రుడు కళత్ర కారకుడు (వివాహ కారకుడు) మరియు భోగకారకుడు కాబట్టి, శుక్ర మౌఢమి సమయంలో శుభకార్యాలు నిర్వహించడం నిషేధించబడింది.
శుక్ర మౌఢమి తేదీలు (Shukra Moudhyami Dates)
జ్యోతిష్య గణాంకాల ప్రకారం, ఈ సంవత్సరం చివరలో ప్రారంభమై వచ్చే సంవత్సరం ప్రారంభం వరకు శుక్ర మౌఢమి ఉంటుంది. రాబోయే శుక్ర మౌఢమి వివరాలు:
- ప్రారంభం: 26 నవంబర్ 2025 (బుధవారం)
- ముగింపు: 17 ఫిబ్రవరి 2026 (మంగళవారం)
దాదాపు మూడు నెలల పాటు ఉండే ఈ సమయంలో, నూతన శుభకార్యాలకు ముహూర్తాలు ఉండవు.
శుక్ర మౌఢ్యమందు చేయకూడని కార్యములు
గురు లేదా శుక్రమౌఢ్యములు ఉన్నప్పుడు గ్రహాల శక్తి (బలం) తగ్గుతుంది. అందువల్ల, ఈ సమయంలో ప్రారంభించే పనులకు దైవానుగ్రహం తక్కువగా ఉంటుందని నమ్ముతారు. కింది పనులు ఈ సమయంలో పూర్తిగా నివారించాలి:
- నీటి వనరులు: బావి, కొలను, చెరువు త్రవ్వుట.
- దైవ కార్యాలు: యాగములు చేయటం, దేవతా ప్రతిష్ఠ, నూతన మంత్రానుష్ఠానము చేయుట.
- ముఖ్య సంస్కారాలు: వివాహోపనయనములు (పెళ్లి, ఒడుగు), విద్యారంభము, కర్ణవేధ (చెవులు కుట్టించడం).
- గృహ నిర్మాణం: నూతన గృహారంభము (శంకుస్థాపన), గృహ ప్రవేశము.
- ఇతరములు: మహాదానములు, వనములు (తోటలు) స్థాపించుట, పుణ్యతీర్థములు సేవించుట, పట్టాభిషేకములు మొదలయిన శుభకర్మములు చేయకూడదు.
మౌఢ్యమందు జేయతగిన కార్యములు
చాలామంది మౌఢ్యమి అనగానే ఏ పనీ చేయకూడదని భయపడుతుంటారు. కానీ, శాస్త్రం కొన్ని అత్యవసర మరియు నిత్య కర్మలకు మినహాయింపు ఇచ్చింది. గురు, శుక్ర మౌఢ్యములు ఉన్నప్పటికీ ఈ క్రింది వాటిని నిర్భయంగా ఆచరించవచ్చు:
- ఆశ్లేషా, జ్యేష్ఠా, మూలాది గండనక్షత్రముల శాంతులు.
- రోగసంబంధమైన జపహోమాదులు, గ్రహశాంతి, అభిషేకము, సమస్తవ్రతములు.
- ఉత్పాతదోషములు మొదలైన శాంతులు.
- మాస ఆధారంగా చేసే అన్నప్రాశన, పుంసవనాది కార్యములు గురు శుక్రమౌఢ్యములు ఉన్నప్పుడు చేయవచ్చు.
మీ జనన కాలంలో గురు లేదా శుక్ర గ్రహాలు అస్తంగత్వంలో ఉన్నాయో లేదో తెలుసుకోవడానికి మా ఉచిత టూల్స్ ఉపయోగించండి:
If you're searching for your ideal life partner and struggling to decide who is truly compatible for a happy and harmonious life, let Vedic Astrology guide you. Before making one of life's biggest decisions, explore our free marriage matching service available at onlinejyotish.com to help you find the perfect match. We have developed free online marriage matching software in
Want to find a good partner? Not sure who is the right match? Try Vedic Astrology! Our Star Matching service helps you find the perfect partner. You don't need your birth details, just your Rashi and Nakshatra. Try our free Star Match service before you make this big decision!
We have this service in many languages:
