नमः सवित्रे जगदेकचक्षुषे जगत्प्रसूति स्थितिनाश हेतवे।
त्रयीमयाय त्रिगुणात्मधारिणे विरंचि नारायण शंकरात्मन्॥ 1 ॥

यन्मण्डलं दीप्तिकरं विशालं रत्नप्रभं तीव्रमनादिरूपम्।
दारिद्र्यदुःखक्षयकारणं च पुनातु मां तत्सवितुर्वरेण्यम्॥ 2 ॥

यन्मण्डलं देवगणैः सुपूजितं विप्रैः स्तुतं भावनमुक्तिकौविदम्।
तं देवदेवं प्रणमामि सूर्यं पुनातु मां तत्सवितुर्वरेण्यम्॥ 3 ॥

यन्मण्डलं ज्ञानघनं त्वगम्यं त्रैलोक्यपूज्यं त्रिगुणात्मरूपम्।
समस्ततेजोमय दिव्यरूपं पुनातु मां तत्सवितुर्वरेण्यम्॥ 4 ॥

यन्मण्डलं गुह्यमतिप्रबोधं धर्मस्य वृद्धिं कुरुते जनानाम्।
यत्सर्वपापक्षयकारणं च पुनातु मां तत्सवितुर्वरेण्यम्॥ 5 ॥

यन्मण्डलं व्याधिनाशदक्षं यदृग्यजुःसामसु संप्रगीतम्।
प्रकाशितं येन भूर्भुवः स्वः पुनातु मां तत्सवितुर्वरेण्यम्॥ 6 ॥

यन्मण्डलं वेदविदो वदन्ति गायन्ति यच्चारणसिद्धसङ्घाः।
यद्योगिनो योगजुषां च सङ्घाः पुनातु मां तत्सवितुर्वरेण्यम्॥ 7 ॥

यन्मण्डलं सर्वजनेषु पूजितं ज्योतिश्च कुर्यातिह मर्त्यलोके।
यत्कालकल्पक्षयकारणं च पुनातु मां तत्सवितुर्वरेण्यम्॥ 8 ॥

यन्मण्डलं विश्वसृजं प्रसीद उत्पत्तिरक्षा प्रलयप्रगल्भम्।
यस्मिंज्जगत्संहरतेऽखिलं च पुनातु मां तत्सवितुर्वरेण्यम्॥ 9 ॥

यन्मण्डलं सर्वगतस्य विष्णोः आत्मा परं धाम विशुद्धतत्त्वम्।
सूक्ष्मान्तरैर्योगपथानुगम्ये पुनातु मां तत्सवितुर्वरेण्यम्॥ 10 ॥

यन्मण्डलं वेदविदो वदन्ति गायन्ति तच्चारणसिद्धसङ्घाः।
यन्मण्डलं वेदविदः स्मरन्ति पुनातु मां तत्सवितुर्वरेण्यम्॥ 11 ॥

यन्मण्डलं वेदविदोपगीतं यद्योगिनां योगपथानुगम्यम्।
तत्सर्ववेदं प्रणमामि सूर्यं पुनातु मां तत्सवितुर्वरेण्यम्॥ 12 ॥