Details of Kingdom for the year Hemalamba (Hemalambi)

స్వస్తిశ్రీ హేమలంబనామ సంవత్సర పంచాంగము - ఫలితములు

పంచాంగ పీఠిక

Telugu Panchang details

Telugu Rashi phalaalu (Rashiphalalu)

కలియుగ ప్రమాణము 4 లక్షల 32 వేల సంవత్సరములు. శ్వేత వరాహకల్పమునందలి ఏడవదైన వైవస్వత మన్వంతరములోని 28వ మహాయుగమునందలి కలియుగ ప్రథమ పాదములో 5118వది, ప్రభవాది 60 సంత్సరాలలో 31వది యైన ఈ సంవత్సరము చాంద్రమానమున స్వస్తిశ్రీ హేమలంబనామ సంవత్సరంగా చెప్పబడుతున్నది.

• కలియుగ శతాబ్దములు – 5118
• శ్రీ ఆది శంకరాచార్యాబ్దములు – 2088
• శాలివాహన శతాబ్దములు – 1939
• ఫసలీ శతాబ్దములు – 1425– 26
• హిజరీ శతాబ్దములు – 1437 – 38
• శ్రీ రామానుజాబ్దములు – 1000
• క్రీస్తు శకము – 2017-18

హేమలంబనామ సంవత్సర ఫలము

ఈ హేమలంబ నామ సంవత్సరంలో పంటలు మధ్యమంగా పండుతాయి. పాలకుల మధ్య భేదాభిప్రాయాలు వస్తాయి. ఆకాశంలో ఉరుములు, మెరుపులు అధికంగా ఉంటాయి కానీ, వర్షపాతం తక్కువగా ఉంటుంది. ఈ సంవత్సరానికి అధిపతి రాహువు అవటం వలన వర్షాలు తక్కువగా పడతాయి. ప్రజలు రోగాలచే బాధపడతారు. భూకంపం లాంటి ప్రకృతి వైపరీత్యాల కారణంగా ప్రజలు భయభ్రాంతులవుతారు. చైత్ర, వైశాఖ మాసాల్లో ధాన్యం ధరలు తగ్గుతాయి. ప్రజలు బాధలు పడతారు. అలాగే రెండు దేశాల మధ్య యుద్ధం జరగటం కానీ, యుద్ధ వాతావరణం నెలకొనటం గానీ జరుగుతుంది. (రెండు రాష్ట్రాల పాలకుల మధ్య అభిప్రాయభేదాలు వచ్చే అవకాశం ఉన్నది. జ్యేష్ఠ, ఆషాఢ, శ్రావణ మాసాల్లో ధాన్యాల ధరలు పెరుగుతాయి. భాద్రపద మాసంలో వర్షపాతం అధికంగా ఉంటుంది. ఆశ్వయుజ, కార్తీక మాసాల్లో పాలకులు బలహీనులవుతారు. దాని కారణంగా ప్రజలు క్రూర ప్రవర్తన కలిగి ఉంటారు. లోహాల ధర పెరుగుతుంది. పశు సంబంధ అనారోగ్యాల కారణంగా పశువులు మృత్యువాత పడటం జరుగుతుంది. పుష్య, మాఘ, ఫాల్గుణ మాసాల్లో ప్రజలు ఆనందంగా జీవిస్తారు.

రాజాధి నవనాయక నిర్ణయం

హేమలంబ నామ సంవత్సర రాజాధి నవ నాయక ఫలం

ఒక రాజ్యానికి, ఒక ప్రభుత్వానికి ఎలా అయితే మంత్రి మండలి ఉంటుందో, ప్రతి సంవత్సరానికి అలా రాజాధి నవ నాయకులు, ఉప నాయకులు ఉంటారు. ఈ హేమలంబ నామ సంవత్సరానికి రాజు మరియు రసాధిపతి కుజుడు, మంత్రి శుక్రుడు, సేనాధిపతి, అర్ఘాధిపతి మరియు మేఘాధిపతి బుధుడు , సస్యాధిపతి మరియు నీరసాధిపతి సూర్యుడు,  ధాన్యాధిపతి శని,

ఈ హేమలంబ నామ సంవత్సరానికి రాజు కుజుడు. గ్రహ కారకత్వ రీత్యా కుజుడు సైన్యాధిపతి, క్రూరుడు, కోపం అధికంగా కలిగి ఉంటాడు. అటువంటి కుజుడు రాజు అవటం వలన ఈ సంవత్సరం అగ్ని ప్రమాదాల కారణంగా ప్రజా నష్టం, ఆస్తినష్టం అధికంగా అవుతుంది. అలాగే దొంగలు, దోపిడీ దారుల కారణంగా ప్రజలు బాధపడతారు. అలాగే పాలకుల మధ్య యుద్ధం కారణంగా ప్రజలు భయాందోళనలతో ఉంటారు. చాలా ప్రదేశాల్లో వర్షపాతం తక్కువగా ఉండటం వలన పంటల దిగుబడి తగ్గుతుంది.

ఈ సంవత్సరం మంత్రి శుక్రుడు అవటం వలన చీడపీడలు, ఎలుకల కారణంగా పంట నష్టం అధికంగా ఉంటుంది. వర్షాలు అధికంగా పడటం వలన నదులకు వరదలు వచ్చే అవకాశం ఉంటుంది. ఆడవారి ఆధిపత్యం పెరుగుతుంది. వాయు సంబంధ అనారోగ్యాలు, సుఖవ్యాధుల కారణంగా ప్రజలు బాధపడతారు.

ఈ సంవత్సరం సూర్యుడు సస్యాధిపతి అవటం వలన వేసవి ధాన్యాల ధరలు పెరుగుతాయి. దోపిడీలు, దొంగతనాలు పెరుగుతాయి. పాలకుల మధ్య యుద్ధాలు జరుగుతాయి. మంచి వర్షాలు ఉన్నప్పటికీ, పశుగ్రాసానికి కొరత ఏర్పడుతుంది. పాలు తదితర ఉత్పత్తులు సమృద్ధిగా లభిస్తాయి.

శని ధాన్యాధిపతి అవటం వలన జొన్నలు, పెసర్లు, ఇతర ధాన్యములు, పట్టు మొదలగునవి వ్యాధుల కారణంగా తక్కువ దిగుబడిని ఇస్తాయి. జాతీయ సంపద తగ్గుతుంది. వృద్ధిరేటు పడిపోతుంది. కొన్నిప్రాంతాలలో యుద్ధం జరుగుతుంది. వర్షాలు తక్కువగా పడతాయి. సరైన సమయంలో పడని కారణంగా రైతులకు నష్టాలు వాటిల్లుతాయి.

బుధుడు మేఘాధిపతి అయినందున ఈ సంవత్సరం వర్షాలు అధికంగా పడతాయి. గోధుమ, బార్లీ తదితర ధాన్యాలు అధిక దిగుబడిని ఇస్తాయి. ఆయా మతాలకు సంబంధించిన ప్రజలు, మత పెద్దలు మంచి పనుల్లో మునిగిపోతారు. ప్రజలు సుఖసంతోషాలతో ఉంటారు.

ఈ సంవత్సరం సస్యాధిపతి శని అవటం మూలాన గోధుమ, వరి, బార్లీ మొదలైన పంటలు తక్కువ దిగుబడిని ఇస్తాయి. వస్తువుల ధరలు పెరుగుతాయి. సామాన్య ప్రజలు అనవసరమైన వివాదాల్లో చిక్కుకుంటారు.

ఈ సంవత్సరం రసాధిపతి కుజుడు అయినందున వర్షపాతం తక్కువగా ఉంటుంది. బెల్లం, చక్కెర మొదలైన రస ద్రవ్యాల ఉత్పత్తి తక్కువగా ఉంటుంది. నిత్యావసర వస్తువుల ధరలు పెరుగుతాయి. పాలకులు సరైన చర్యలు చేపట్టకపోవటం వలన ప్రజలు తీవ్ర అసంతృప్తికి గురవుతారు.

ఈ సంవత్సరం నీరసాధిపతి సూర్యుడు అయినందున బంగారం, వెండి మొదలైన లోహాలు, కెంపు, ముత్యం తదితర రాళ్ల ధరలు పెరుగుతాయి.

ఈ సంవత్సరం సేనాధిపతి బుధుడు అవటం వలన ప్రజలకు సుఖదుఃఖాలు సమానంగా ఉంటాయి. సైన్యం మరియు నావికాదళం శక్తి పెరుగుతుంది. ప్రజల ప్రయాణాలు భద్రంగా సాగుతాయి. దొంగతనాలు, దోపిడీలు తగ్గుతాయి. పాలకులు దౌత్యం కారణంగా సమస్యలను తొలగించుకుంటారు.

తెలుగు జాతకం, వధూవర గుణమేళనం, సంఖ్యాశాస్త్రం, రాశిఫలములు, పంచాంగం మరియు జ్యోతిష పాఠాలతో కూడిన నం.1 ఆండ్రాయిడ్ అప్లికేషన్ తెలుగుజాతకం ను డౌన్ లోడ్ చేయటానికి ఇక్కడ క్లిక్ చేయండి.

12 రాశుల ఆదాయ, వ్యయాలు

27 నక్షత్రాల నక్షత్రాల కందాయ ఫలములు

హేమలంబ నామ సంవత్సర రాశి ఫలములు

Hemalamba (Hemalambi) Rashi Phalamulu

Aries	Taurus	Gemini
Cancer	Leo	Virgo
Libra	Scorpio	Sagittarius
Capricorn	Aquarius	Pisces