ధనుస్సు రాశి - 2022 రాశి ఫలములు

ధనుస్సు రాశిఫలములు

2022 సంవత్సర రాశిఫలములు

Telugu Rashi Phalalu (Rasi phalamulu)

2022 Rashi phalaalu

గమనిక: ఇక్కడ ఇవ్వబడిన రాశి ఫలములు కేవలం చంద్ర రాశి ఆధారంగా చెప్పబడినవి. ఇవి కేవలం ఒక అవగాహన కొరకే తప్ప ఇందులో చెప్పినవి చెప్పినట్టు జరుగుతాయని భావించరాదు.

Telugu Rashi Phalalu (Rasi phalamulu) - 2019 -20 Vikari samvatsara Dhanussu rashi phalaalu. Family, Career, Health, Education, Business and Remedies for Dhanussu Rashi in Telugu

Kanya rashi telugu year predictions

మూల 4 పాదములు (యె, యో, బ, బి)
పూర్వాషాఢ 4 పాదములు (బు, ధ, భ, ఢ)
ఉత్తరాషాఢ 1వ పాదం (బె)

ఈ సంవత్సరం ఏప్రిల్ 13 న, బృహస్పతి మీన రాశిలోకి, 4వ ఇంటిలోకి, మరియు ఏప్రిల్ 12 న మేషరాశిలో, 5వ ఇంటిలోకి రాహువు మరియు తులారాశిలో, 11వ ఇంటిలో కేతువు ప్రవేశిస్తాడు. ఏప్రిల్ 29 న, శని కుంభ రాశిలోకి, 3వ ఇంటిలోకి ప్రవేశిస్తాడు మరియు జూలై 12 న, తిరోగమనం తర్వాత మకర రాశిలోకి, 2వ ఇంటిలోకి ప్రవేశిస్తాడు. శుక్రుడు సెప్టెంబర్ 30 నుండి నవంబర్ 21 వరకు అస్తంగతుడై ఉంటాడు. బృహస్పతి ఫిబ్రవరి 24 నుండి మార్చి 23 వరకు అస్తంగతుడై ఉంటాడు. అక్టోబర్ 30న కుజుడు వక్రగతుడు అవుతాడు మరియు జనవరి 13, 2023న మార్గి అవుతాడు. జూలై 29న బృహస్పతి వక్రగతుడుగా మారి నవంబర్‌ 24న మార్గీ అవుతాడు. డిసెంబర్ 19, 2021న శుక్రుడు వక్రగతుడుగా మారి, జనవరి 29, 2022న మార్గిగా మారతాడు. శని జూన్ 5న వక్రగతిని పొంది, అక్టోబర్ 23న మార్గి అవుతాడు.

2022 సంవత్సరం ఉద్యోగ జాతకం

ధనూ రాశిలో జన్మించిన వారికి ఈ సంవత్సరం మిశ్రమ ఫలితాలను ఇస్తుంది. గురు గోచారం 3 మరియు 4 వ ఇళ్లలో ఉండటం, శని గోచారం రెండవ ఇంట ఉండటం వలన ఆరోగ్య విషయంలో, ఆర్థిక విషయంలో మరియు కుటుంబ విషయం గా కొన్ని సమస్యలు ఉన్నప్పటికీ వృత్తి పరంగా మిశ్రమంగా ఉంటుంది. ఈ సంవత్సరం ప్రథమార్థంలో మీ వృత్తి పరంగా సామాన్యంగా ఉంటుంది. గురు గోచారం ఏప్రిల్ వరకు మూడవ ఇంటిలో ఉండటం వలన వృత్తి లో మార్పులు చోటు చేసుకుంటాయి. మీరు చేసే ఉద్యోగంలో కానీ, ఉద్యోగం చేసే ఈ ప్రదేశంలో కానీ ఈ సమయంలో మార్పు ఉంటుంది. ఇది మీ ఇష్టానికి వ్యతిరేకంగా జరిగే అవకాశం ఉంటుంది. శని గోచారం కూడా ఈ సమయంలో అనుకూలంగా ఉండకపోవటం వలన మీరు చేసే ఉద్యోగంలో శ్రమ అధికంగా ఉంటుంది. మీ మాటలకు మీ సహోద్యోగులు గాని, మీ పై అధికారులు గాని సరైన విలువ ఇవ్వక పోవడం వలన కొంత ఇబ్బందికి గురవుతారు. ఉద్యోగంలో కానీ, ఉద్యోగం చేసే ప్రదేశంలో కానీ వచ్చిన మార్పు మీకు కొంత ఇబ్బందిని, పని ఒత్తిడిని ఇస్తుంది. మీ ఇష్టానికి వ్యతిరేకంగా జరిగిన మార్పు కనక మీరు అక్కడ మనస్ఫూర్తిగా పని చేయలేక పోవచ్చు. అంతేకాకుండా సహోద్యోగుల సహకారం కూడా లేకపోవడం వలన ఒంటరితనం ఫీల్ అయ్యే అవకాశం ఉంటుంది. అయితే ఈ సమయంలో రాహువు గోచారం అనుకూలంగా ఉండటం వలన మొదట్లో కొంత ఇబ్బంది అయినా ఆ తర్వాత ఉద్యోగ విషయంలో అనుకూలంగా ఉంటుంది. మీరు పట్టుదలగా ఉంది ప్రయత్నం చేస్తే ఉద్యోగులతో ఉన్న సమస్యలు తొలగిపోయి వారి నుంచి సహాయ సహకారాలు అందుకుంటారు. ఏప్రిల్లో ఏలినాటి శని తొలగి పోవడం వలన ఉద్యోగ విషయంలో అనుకూలంగా ఉంటుంది. మీరు తిరిగి గతంలో ఉద్యోగం చేసిన ప్రాంతానికి రావడం కానీ, లేదా చేసే బాధ్యతల్లో మార్పులు రావటం వలన వృత్తిలో ఉండే ఒత్తిడి కొంత తగ్గుతుంది. ఈ సమయంలో గతంలో వాయిదా పడిన పనులు పూర్తి అవడం కానీ, గతంలో ఆగిపోయిన పదోన్నతి తిరిగి రావటానికి కానీ జరుగుతుంది. జూలై నుంచి శని గోచారం తిరిగి రెండవ ఇంటికి మారటం, గురు గోచారం నాలుగవ ఇంట్లో ఉండటం వలన మీ ఉద్యోగంలో తిరిగి ఒత్తిడి పెరగడం జరుగుతుంది. ఈ సమయములో మీ స్థాయికి మించిన పనులను చేయకుండా ఉండటం మంచిది. గొప్పలకు పోయి ఇలాంటి పనులు చేయడానికి ముందుకు వచ్చి ఆ తర్వాత వాటిని చేయలేక ఇతరుల దృష్టిలో తక్కువ కావడం జరగవచ్చు. రాహువు గోచారం ఐదవ ఇంట్లో ఉండటం వలన కొన్నిసార్లు అత్యుత్సాహంగా ఉండటం, కొన్ని సార్లు నిరుత్సాహంతో ఉంటారు. మానసిక ఒత్తిడి కారణంగా పనులు వాయిదా వేయాలని చూస్తుంటారు. చేసే పనికి కొన్నిసార్లు గుర్తింపు రాకపోవడంతో ఆ పని మానేయాలని ఆలోచిస్తారు. ఈ సమయంలో వీలైనంతవరకూ మీ పై మీరు నమ్మకం నుంచి పని చేయడం వలన విజయం సాధిస్తారు. కొన్నిసార్లు ఒకే పనిని చాలా సార్లు చేస్తే కానీ పూర్తవక పోవచ్చు కాబట్టి అటువంటి సందర్భాల్లో నిరాశకు లోను కాకుండా పని చేయటం వలన ఆ పని పూర్తి చేయగలుగుతారు.

2022 సంవత్సరం ఆర్థిక జాతకం

ఈ సంవత్సరం ధను రాశి వారికి ఆర్థికంగా సామాన్యంగా ఉంటుంది. శని మరియు గురువు గోచారం సామాన్యం గా ఉండటం వలన ఈ సంవత్సరం ఆర్థిక అభివృద్ధి తగ్గుతుంది. రెండవ ఇంటిని శని గోచారం కారణంగా ఆదాయం తగ్గి పోవడం కానీ లేదా ఖర్చు పెరగడం కానీ జరగవచ్చు. అయితే ఏప్రిల్ వరకు రాహువు గోచారం, ఏప్రిల్ నుంచి కేతువు గోచారం అనుకూలంగా ఉండటం వలన ఖర్చులు ఉన్నప్పటికీ ఏదో ఒక రూపంలో డబ్బులు రావడం వలన ఆర్థిక సమస్యలు కొంత తగ్గుతాయి. గురువు దృష్టి ఏప్రిల్ వరకు లాభ స్థానంలో ఉండటం వలన అవసరమైన సమయంలో బంధువుల నుంచి కానీ, మిత్రుల నుంచి కానీ ఆర్థిక సహాయం అందుతుంది. ఏప్రిల్ నుంచి గురు గోచారం నాలుగవ ఇంట్లో ఉండటం వలన కుటుంబ కారణాల రీత్యా కాని, కోర్టు కేసులు లేదా వివాదాల కారణంగా డబ్బు ఖర్చు అయ్యే అవకాశం ఉంటుంది. ఈ సమయంలో వాహనాల విషయంలో జాగ్రత్తగా ఉండటం మంచిది. జూలై వరకు శని గోచారం అనుకూలంగా ఉంటుంది కాబట్టి ఈ సమస్య పెద్దగా లేకపోయినప్పటికీ జూలై తరువాత గురువు, శని, మరియు రాహువు గోచారం అనుకూలంగా లేకపోవడం వలన ఆర్థిక సమస్యలు పెరిగే అవకాశం ఉంటుంది. గొప్పలకు పోయి వినోద కార్యక్రమాలకు, వ్యసనాలకు డబ్బు ఖర్చు చేసే అవకాశం ఉంటుంది కాబట్టి వీలయినంత వరకు ఈ సమయంలో గొప్పలకు పోకుండా, ఇతరుల మాటలకు లొంగకుండా ఉండటం మంచిది. జూలై నుంచి శని గోచారం తిరిగి రెండవ ఇంటికి మారడం వలన ఆర్థిక విషయాల్లో సమస్యలు కానీ ఖర్చులు పెరగడం కానీ జరగవచ్చు. మీకు రావలసిన డబ్బు సమయానికి తిరిగి రాక రాకపోవడం వలన మీ దగ్గర డబ్బు ఉన్నప్పటికీ అప్పు చేయాల్సి రావచ్చు.

2022 సంవత్సరం ఆరోగ్య జాతకం

ధను రాశి వారికి ఈ సంవత్సరం ఆరోగ్యపరంగా మిశ్రమంగా ఉంటుంది. ఏప్రిల్ వరకు రాహు గోచారం అనుకూలంగా ఉండటం వలన ఆరోగ్య విషయంలో సమస్యలు వచ్చినప్పటికీ పెద్దగా ఇబ్బంది పడవలసిన అవసరం ఉండదు. ఈ సమయంలో శని గోచారం రెండవ ఇంట ఉండటం వలన నేత్ర సంబంధ, ఉదర సంబంధ ఆరోగ్య సమస్యలు వచ్చే అవకాశం ఉంటుంది. ఈ సమస్యలు అధిక శ్రమ కారణంగా, మరియు సమయానికి భోజనం చేయకపోవడం వలన వచ్చే అవకాశం ఉంటుంది. మీ రాశ్యాధిపతి అయిన గురు గోచారం సంవత్సరమంతా అనుకూలంగా ఉండదు కాబట్టి ఆరోగ్య విషయంలో హెచ్చుతగ్గులు ఉంటాయి. ఏప్రిల్ నుంచి జూలై మధ్యలో శని గోచారం అనుకూలంగా ఉంటుంది కాబట్టి ఈ సమయంలో ఆరోగ్య పరంగా పెద్దగా సమస్యలు ఉండవు. జూలై నుంచి శని మరియు గురువు గోచారం బాగుండదు కాబట్టి ఈ సమయంలో ఈ విషయంలో లో జాగ్రత్తలు తీసుకోవడం అవసరం. విశ్రాంతి లేకుండా పని చేయడం, ఎక్కువ ప్రయాణాల కారణంగా సరైన ఆహారం తీసుకోకపోవడం వలన ఈ సమస్యలు వచ్చే అవకాశం ఉంటుంది. ముఖ్యంగా ఎముకలు, దంతములు, కాలేయము మరియు మోకాళ్ల కు సంబంధించిన ఆరోగ్య సమస్యలు మిమ్మల్ని బాధించే అవకాశం ఉంటుంది కాబట్టి సరైన విశ్రాంతి తీసుకోవడం, ఆహారపు అలవాట్లు కలిగి ఉండటం మంచిది .

2022 సంవత్సరం కుటుంబ జాతకం

ధను రాశి వారికి కుటుంబ పరంగా ఈ సంవత్సరం మిశ్రమంగా ఉంటుంది. గురు గోచారం మరియు శని గోచారం అనుకూలంగా ఉండకపోవటం వలన కుటుంబంలో కొన్ని సమస్యలు వచ్చే అవకాశం ఉంటుంది. ఈ సంవత్సరం ప్రథమార్థంలో ఏప్రిల్ వరకు శని గోచారం కుటుంబ స్థానంలో ఉండటం వలన కుటుంబంలో మానసిక ప్రశాంతత లోపిస్తుంది. మీ మాటకు విలువ తగ్గడం కానీ, మీరు చెప్పిన విషయాలు కుటుంబ సభ్యులు పాటించకపోవడం కానీ జరగవచ్చు. అంతేకాకుండా కుటుంబంలో పెద్దవారికి ఆరోగ్య సమస్యలు వచ్చే అవకాశం ఉంటుంది. ఈ సమయంలో అనవసరమైన వివాదాలు పోకుండా ప్రశాంతంగా ఉండడం మంచిది. ఎందుకంటే మీకు ఆవేశాన్ని మరియు కోపాన్ని కలిగించే సంఘటనలు ఈ సమయంలో జరిగే అవకాశం ఉంటుంది. మీ ఆవేశాన్ని కోపాన్ని అదుపులో ఉంచుకోకపోతే కుటుంబ సభ్యులతో వివాదాలు పెరగడం కానీ, వారికి దూరం అవ్వటం కానీ జరగవచ్చు. ఏప్రిల్ నుంచి జూలై మధ్యలో శని గోచారం అనుకూలంగా ఉంటుంది కాబట్టి కుటుంబ సమస్యలు తగ్గుముఖం పడతాయి. కుటుంబ సభ్యులతో వివాదాలు బంధువుల సహాయంతో తొలగిపోతాయి. అయితే ఈ సమయంలో గురు గోచారం అనుకూలంగా ఉండదు కాబట్టి మీరు ఉద్యోగ రీత్యా కాని ఇతర కారణాల వల్ల కానీ ఇంటికి దూరంగా ఉండటం జరుగుతుంది. జూలై నుంచి నాలుగవ ఇంటిపై శని దృష్టి ఉండటం కారణంగా ఇంట్లో పెద్దవారికి ఆరోగ్య సమస్యలు ఉండే అవకాశం ఉంది. వారి విషయంలో జాగ్రత్త అవసరం. అయితే ఈ సమయంలో కేతు గోచారం అనుకూలంగా ఉంటుంది కాబట్టి వారికి సమస్యలు వచ్చినప్పటికీ తొందరగానే తగ్గుముఖం పడతాయి. అలాగే అయిదవ ఇంటిలో రాహు గోచారం కారణంగా, సంతానం మంచి అభివృద్ధిలోకి వచ్చినప్పటికీ, వారికి ఆరోగ్య సమస్యలు కూడా వచ్చే అవకాశం ఉంటుంది.

2022 సంవత్సరం వ్యాపారం మరియు స్వయం ఉపాధి

ఈ సంవత్సరం ధను రాశి లో జన్మించిన వ్యాపారస్తులకు ప్రథమార్థం అనుకూలంగా, ద్వితీయార్థం మిశ్రమంగా ఉంటుంది. ఏప్రిల్ వరకు గురు దృష్టి ఏడవ ఇంటిపై మరియు పదకొండవ ఇంటిపై ఉండటం వలన వ్యాపారంలో అభివృద్ధి జరగడమే కాకుండా, లాభాలను కూడా ఆర్జిస్తారు. కొత్తగా వ్యాపారం ప్రారంభించాలని అనుకునేవారికి ఈ సంవత్సరం అంతగా అనుకూలం కాదు. గురు గోచారం మధ్యమంగా ఉండటం వలన, ఈ సమయంలో తప్పనిసరిగా వ్యాపారం ప్రారంభించాలి వస్తే ఏప్రిల్ నుంచి జులై మధ్యలో శని గోచారం మూడవ ఇంటిలో ఉండే సమయంలో ప్రారంభించడం కొంత అనుకూలంగా ఉంటుంది. ఏప్రిల్ వరకు రాహు గోచారం కూడా అనుకూలంగా ఉంటుంది కాబట్టి ఈ సమయంలో ఆర్థికంగా అనుకూలంగా ఉండి గతంలో చేసిన అప్పులు కానీ, తీసుకున్న లోన్లు కానీ తిరిగి చెల్లించగలరు. అయితే ఈ సమయంలో ఇతరులకు అప్పు ఇవ్వడం గానీ, ఎక్కువ మొత్తంలో పెట్టుబడి పెట్టడం కానీ మంచిది కాదు. ఏప్రిల్ నుంచి జూలై మధ్యలో గురువు మరియు రాహు గోచారం అనుకూలంగా లేనప్పటికీ శని గోచారం బాగుండటం వలన వ్యాపార వృద్ధి సాధ్యమవుతుంది. అయితే వ్యాపారం లో అభివృద్ధి ఉన్నప్పటికీ ఆదాయం పరంగా కొంత సామాన్యంగానే ఉంటుంది. జూలై నుంచి డిసెంబర్ వరకూ గురువు, శని, మరియు రాహు గోచారం సామాన్యం గా ఉండటం వలన వ్యాపారంలో అభివృద్ధి తగ్గుతుంది. అయితే ఈ సమయంలో కేతు గోచారం 11వ ఇంటిలో అనుకూలంగా ఉండటం ఆర్థికంగా కొంత ఉపశమనం లభిస్తుంది. గతంలో రావలసిన డబ్బులు రావడం కానీ, భాగస్వామ్య ఒప్పందం కారణంగా ఆర్థిక భారం తగ్గడం కానీ జరుగుతుంది. స్వయం ఉపాధి ద్వారా జీవనం కొనసాగిస్తున్న వారు కానీ, కళాకారులు కానీ ఈ సంవత్సరం మిశ్రమ ఫలితాలను పొందుతారు. ఏప్రిల్ వరకు గురువు మరియు రాహువు అనుకూలంగా ఉండటం వలన మీకు మంచి అవకాశాలు వస్తాయి. ఈ సమయంలో బద్ధకం విడనాడి వచ్చిన అవకాశాలను ఉపయోగించుకోవటం వలన ఆర్థిక సమస్యలు తొలగిపోవడమే కాకుండా మీకు మంచి గుర్తింపు లభిస్తుంది. ఏప్రిల్ నుంచి జూలై మధ్యలో అవకాశాలు పెరిగినప్పటికీ ఈ సమయంలో ఆర్థికంగా సామాన్యంగా ఉంటుంది. పని ఒత్తిడి ఎక్కువగా ఉంటుంది. విశ్రాంతి లేకుండా పని చేయవలసి వస్తుంది. కేతు గోచారం అనుకూలంగా ఉండటం వలన ఒక్కోసారి మీ వృత్తి కారణంగా ఆకస్మిక ధన లాభం గాని, గుర్తింపు కానీ లభిస్తుంది.

2022 సంవత్సరం విద్యార్థులు మరియు వారి చదువు

ధనూ రాశి లో జన్మించిన విద్యార్థులకు ఈ సంవత్సరం మిశ్రమంగా ఉంటుంది. ఏప్రిల్ వరకు రాహు గోచారం అనుకూలంగా ఉండటం వలన పరీక్షలలో బాగా రాణిస్తారు. పోటీ తత్వం అలవరచుకుంటారు. గురు దృష్టి ఈ సమయంలో గురు దృష్టి 9వ మరియు పదకొండవ ఇంటిపై ఉండటం వలన ఉన్నత విద్యావకాశాలు మెరుగవుతాయి. ఏప్రిల్ వరకు శని గోచారం అనుకూలంగా ఉండకపోవటం వలన చదువులో బద్దకాన్ని విడనాడాల్సి ఉంటుంది. పరీక్షల విషయంలో కూడా జాగ్రత్తగా ఉండాల్సి ఉంటుంది. కొన్నిసార్లు మీ నిర్లక్ష్యం కారణంగా కానీ, బద్ధకం వల్ల కానీ పరీక్షలలో రావలసిన ఫలితం రాకపోయే అవకాశం ఉంటుంది. ఏప్రిల్ నుంచి జూలై మధ్యలో శని గోచారం అనుకూలంగా ఉంటుంది కాబట్టి ఉన్నత విద్య కొరకై విదేశీ యానం చేయాలనుకునేవారికి, అలాగే ఉన్నత విద్య కొరకు పేరెన్నికగన్న విద్యా సంస్థలలో చేరాలనుకునే వారికి ఈ సమయంలో అనుకున్న ఫలితము లభిస్తుంది. జూలై నుంచి డిసెంబర్ మధ్యలో శని గురువు మరియు రాహు గోచారం అనుకూలంగా లేకపోవడం వలన ఈ సమయంలో చదువు విషయంలో జాగ్రత్త అవసరం. ఈ సమయంలో గర్వం కారణంగా మంచి అవకాశాలు చదువుకునే అవకాశం ఉంటుంది కాబట్టి ఈ సమయంలో తొందరపాటు గాని, గర్వానికి కానీ గురి కాకుండా వినయంగా ఉండటం మంచిది. ఈ సమయంలో మీరు కొత్త విషయాలను నేర్చుకునే విధంగా చాలా అవకాశాలు వస్తాయి. వాటిని ఉపయోగించడం వలన జీవితంలో మరియు విద్యలో అభివృద్ధి సాధ్యమవుతుంది. పోటీ పరీక్షలు రాసే వారికి ఏప్రిల్ వరకు చాలా అనుకూలంగా ఉంటుంది. ఏప్రిల్ తర్వాత నిర్లక్ష్య ధోరణి వదిలేయాల్సి ఉంటుంది.

2022 సంవత్సరం గ్రహదోషములు - పరిహారములు

ఈ సంవత్సరం ధను రాశి వారు గురువు, శని మరియు రాహువుకు పరిహారాలు ఆచరించడం మంచిది. దాని వలన ఈ గ్రహాలు ఇచ్చే చెడు ఫలితాలు ఈ సంవత్సరం అనుకూలంగా ఉంటుంది. సంవత్సరమంతా కూడా గురు గోచారం అనుకూలంగా ఉండదు కాబట్టి ప్రతిరోజు గురు స్తోత్రం చదవడం కానీ, గురు పూజ చేయటం కానీ, లేదా గురు చరిత్ర పారాయణం చేయటం కానీ మంచిది. ఇవే కాకుండా 16,000 సార్లు గురు మంత్ర జపం చేయటం కానీ, గురు గ్రహ శాంతి హోమం చేయటం కానీ మంచిది. రెండవ ఇంటిలో శని చెడు ఫలితాలు తగ్గటానికి ప్రతిరోజు శని స్తోత్రం చదవడం కానీ, హనుమాన్ చాలీసా చదవడం కానీ, శని త్రయోదశి రోజున శనికి తైలాభిషేకం చేయటం కానీ చేయాలి. ఇవి కాకుండా 19 వేల సార్లు శని మంత్రం జపం చేయడం కానీ లేదా శని గ్రహ శాంతి హోమం చేయడం మంచిది. ఐదవ ఇంటిలో రాహు ఇచ్చే చెడు ఫలితాలు తగ్గటానికి ప్రతిరోజు రాహు స్తోత్రం పారాయణం చేయటం కానీ, దుర్గా స్తోత్రం పారాయణం చేయటం కానీ మంచిది. ఇవి కాకుండా 18,000 సార్లు రాహు మంత్రం జపం చేయటం కానీ, రాహు గ్రహ శాంతి హోమం చేయటం కానీ మంచిది. మీ జాతకంలో పైన చెప్పిన గ్రహాల యొక్క దశ లేదా అంతర్దశలు ఈ సమయములో నడుస్తున్నట్లు అయితే వాటి ప్రభావము అధికంగా ఉంటుంది. పైన చెప్పిన పరిహారములు మీ శక్తి, భక్తి మరియు శ్రద్ధ మేరకు ఏ పరిహారం అయినా పాటించవచ్చు అంతేకానీ చెప్పిన పరిహారములు అన్ని పాటించమని చెప్పడం లేదు. ఈ గ్రహాల పరిహారాలు తో పాటుగా వీలైనంత వరకూ తోచిన విధంగా అవసరం ఉన్నవారికి సేవ చేయడం మంచిది.

రాజాది నవనాయక ఫలితములు

12 రాశుల ఆదాయ, వ్యయాలు

27 నక్షత్రాల నక్షత్రాల కందాయ ఫలములు

శుభకృత్ నామ సంవత్సర రాశి ఫలములు

Aries
Mesha rashi,year 2022 rashi phal for ... rashi
Taurus
vrishabha rashi, year 2022 rashi phal
Gemini
Mithuna rashi, year 2022 rashi phal
Cancer
Karka rashi, year 2022 rashi phal
Leo
Simha rashi, year 2022 rashi phal
Virgo
Kanya rashi, year 2022 rashi phal
Libra
Tula rashi, year 2022 rashi phal
Scorpio
Vrishchika rashi, year 2022 rashi phal
Sagittarius
Dhanu rashi, year 2022 rashi phal
Capricorn
Makara rashi, year 2022 rashi phal
Aquarius
Kumbha rashi, year 2022 rashi phal
Pisces
Meena rashi, year 2022 rashi phal

KP Horoscope

Free KP Janmakundali (Krishnamurthy paddhatiHoroscope) with predictions in Telugu.

Read More
  

Kalsarp Dosha Check

Check your horoscope for Kalasarpa dosh, get remedies suggestions for Kasasarpa dosha.

Read More
  

KP Horoscope

Free KP Janmakundali (Krishnamurthy paddhatiHoroscope) with predictions in Hindi.

Read More
  

Newborn Astrology

Know your Newborn Rashi, Nakshatra, doshas and Naming letters in Hindi.

Read More
  

onlinejyotish.com requesting all its visitors to wear a mask, keep social distancing, and wash your hands frequently, to protect yourself from Covid-19 (Corona Virus). This is a time of testing for all humans. We need to be stronger mentally and physically to protect ourselves from this pandemic. Thanks