ధనుస్సు రాశిఫలములు

హేమలంబనామ సంవత్సర రాశిఫలములు

Telugu Rashi Phalalu (Rasi phalamulu)

Ugadi Rashi phalaalu

Telugu Rashi Phalalu (Rasi phalamulu) - 2017 - 2018 Hemalamba samvatsara Dhanussu rashi phalaalu. Family, Career, Health, Education, Business and Remedies for Dhanussu Rashi in Telugu

మూల 4 పాదములు (యె, యో, బ, బి)
పూర్వాషాఢ 4 పాదములు (బు, ధ, భ, ఢ)
ఉత్తరాషాఢ 1వ పాదం (బె)

ఈ హేమలంబ నామ సంవత్సరం మిశ్రమ ఫలితాలను ఇస్తుంది. సంవత్సర ప్రథమార్థం కొంత సామాన్యంగా ఉన్నప్పటికీ, సెప్టెంబర్ నుంచి గురువు పదకొండవ ఇంట సంచరించటం వలన అనుకూల ఫలితాలు ఏర్పడతాయి. ఏల్నాటి శని, అలాగే అష్టమ రాహువు కారణంగా కొన్ని సమస్యలు వచ్చినా వాటిని ఎదుర్కొని నిలిచే ధైర్యాన్ని గురువు ఇస్తాడు. వృత్తిలో మీ పై అధికారులలో సత్సంబంధాలు కలిగి ఉంటారు. అలాగే ప్రభుత్వ అధికారులు కానీ, రాజకీయ నాయకుల నుంచి కానీ సహాయసహకారాలు అందుకుంటారు. సెప్టెంబర్ వరకు పనులు ఆలస్యమవుతుంటాయి. అలాగే డబ్బు కూడా విపరీతంగా ఖర్చవుతుంటుంది. మానసికంగా అసహనానికి, ఒత్తిడికి గురవుతుంటారు. అయితే గురు పదకొండవ ఇంటికి వచ్చాక ఈ పరిస్థితిలో మార్పు వస్తుంది. మానసికంగా ఉల్లాసంగా ఉండగలుగుతారు. రాహువు తొమ్మిదవ ఇంట, కేతువు మూడవ ఇంట ఈ సంవత్సరం ఆగష్టు వరకు సంచరిస్తారు. ఈ సమయంలో దేవాలయ సందర్శన, తీర్థయాత్రలు మొదలైనవి చేస్తారు. అలాగే ఆధ్యాత్మిక కార్యక్రమాల్లో పాల్గొంటారు. జూన్ – ఆగష్టు మధ్యన ఖర్చుల విషయంలో జాగ్రత్త అవసరం. మీరు అనుకున్న దానికంటే ఎక్కువ ఖర్చవటం లేదా పెట్టుబడులలో నష్టాలు రావటం జరగవచ్చు. అలాగే ఈ సమయంలో ఆరోగ్య విషయంలో కూడా జాగ్రత్త అవసరం.

కుటుంబం

ఈ సంవత్సరం కుటుంబ జీవితం అనుకూలంగా ఉంటుంది. సెప్టెంబర్ వరకు గురు దృష్టి రెండవ ఇంటిపై ఉండటం ఆ తర్వాత గురువు పదకొండింట సంచరించటం వలన కుటుంబ విషయం లో అనుకూల ఫలితాలు ఏర్పడతాయి. కుటుంబ సభ్యుల ఆరోగ్యం మెరుగవటం అలాగే సంతానం మంచి అభివృద్ధిలోకి రావటం జరుగుతుంది. ఈ సంవత్సరం మీ కుటుంబంలో శుభకార్యాలు జరగటమే కాకుండా సంతానం కొరకు ఎదురు చూస్తున్న వారికీ సంతాన ప్రాప్తి కూడా ఉంటుంది. గురువు పదకొండింట సంచారం చాలా అనుకూలిస్తుంది కాబట్టి చాలా విషయాల్లో మంచి ఫలితాలను పొందుతారు. అయితే ఆగస్టు నుంచి రాహు గోచారం అష్టమ స్థానం లో ఉండటం అలాగే కుటుంబ స్థానం లో కేతు సంచారం కారణంగా కుటుంబ సభ్యుల ఆరోగ్య విషయంలో కొంత జాగ్రత్త అవసరం. వారి ఆరోగ్య సమస్యల కారణంగా మీకు మానసిక ప్రశాంతత తగ్గుతుంది.

ఆరోగ్యం

ఈ సంవత్సరం శని గోచారం పన్నెండవ మరియు జన్మ రాశి మీద సంచరిస్తాడు కాబట్టి ఆరోగ్య విషయంలో కొంత జాగ్రత్త అవసరం. ముఖ్యంగా జూన్ - అక్టోబర్ మధ్య శని పన్నెండవ ఇంట సంచరిస్తాడు కాబట్టి ఆ సమయలో ఆరోగ్య విషయంలో ఎక్కువ జాగ్రత్త తీసుకోవాలి. ఎముకలు, మోకాళ్లు, ఊపిరి తిత్తులకు సంబంధించిన ఆరోగ్య సమస్యలు వచ్చే అవకాశముంటుంది. అయితే గురు గోచారం ఆగస్ట్ నుంచి బాగుంటుంది కాబట్టి ఆరోగ్య సమస్యలు ఎక్కువ కలం ఉండవు. అలాగే ఎనిమిదవ ఇంట రాహు గోచారం మానసిక సమస్యలను, చర్మ సంబంధ వ్యాధులను, గ్యాస్ట్రిక్ సంబంధ సమస్యలను ఇస్తుంది. రాహు, శని గ్రహాలకు పరిహారాలు చేపించటం వలన ఆరోగ్య సమస్యలు తగ్గుతాయి. గురు బలం బాగుంటుంది కాబట్టి సమస్యలు వచ్చినా ఎక్కువ కాలం బాధించవు.

ఆర్ధిక స్థితి

ఈ సంవత్సరం ఆర్థికంగా కొంత సామాన్యంగా ఉన్నప్పటికీ, ద్వితీయార్థం అనుకూలంగా ఉంటుంది. సెప్టెంబర్ వరకు ఖర్చులు అధికంగా ఉంటాయి. అలాగే ఆదాయం తగ్గటం కానీ లేదా అనుకోని ఖర్చులు మీద పడటం కానీ జరుగుతుంది. కుటుంబ సభ్యుల విషయంలో అలాగే ఆరోగ్య విషయంలో డబ్బు ఎక్కువ ఖర్చుపెట్టాల్సి వస్తుంది. అయితే గురు దృష్టి రెండవ ఇంటిపై ఉండటం వలన ఖర్చులకు తగిన డబ్బు అందుబాటులో ఉంటుంది. సెప్టెంబర్ నుంచి గురువు పదకొండింటికి రావటం వలన ఆర్థికంగా చాల అనుకూలంగా ఉంటుంది. ఆదాయం పెరగటమే కాకుండా ఖర్చులు కూడా తగ్గుముఖం పడతాయి. స్థిరాస్తుల కొనుగోలు వ్యవహారాలు సెప్టెంబర్ తర్వాత చేసుకోవటం మంచిది. సెప్టెంబర్ వరకు పెట్టుబడులకు కూడా అనుకూలంగా ఉండదు.

ఉద్యోగం - వ్యాపారం

ఉద్యోగ విషయంగా ఈ సంవత్సరం అనుకూలంగా ఉంటుంది. శని గోచారం అనుకూలంగా లేనప్పటికీ రాశ్యాధిపతి గురు గోచారం అనుకూలంగా ఉండటం వలన ఉద్యోగంలో మంచి అభివృద్ధి సాధిస్తారు. సంవత్సర ప్రథమార్థంలో కొంత ఇబ్బందికర పరిస్థితులు ఉన్నప్పటికీ మీ శ్రమ కారణంగా నెగ్గుకు రాగలుగుతారు. పై అధికారుల సహాయం అందటం అలాగే మీరు పడిన శ్రమకు గుర్తింపు లభించటం వలన మానసికంగా ఉత్సాహాన్ని పొందుతారు. పదోన్నతి కానీ, ఆర్థికంగా అభివృద్ధి కానీ ఆగస్టు తరవాత ఉంటాయి. అలాగే ఉద్యోగం కొరకు ఎదురు చూస్తున్న వారికి ఈ సంవత్సరం అనుకూలమైన ఉద్యోగం లభిస్తుంది. జూన్ – ఆగస్టు మధ్యలో కొంత జాగ్రత్త అవసరం ఈ సమయంలో ఉద్యోగంలో అనుకోని మార్పు కానీ, ఇబ్బంది కానీ వచ్చే అవకాశముంటుంది. మాట విషయంలో జాగ్రత్త అవసరం. మీరు తొందరపడి మాట ఇవ్వటం కారణంగా అనవసర సమస్యలు వచ్చే అవకాశముంటుంది. ఆగస్టు నుంచి గురువు అనుకూలంగా ఉంటాడు కాబట్టి పై అధికారుల సహాయంతో మీ సమస్య నుంచి బయట పడతారు. వ్యాపారస్తులకు ఈ సంవత్సరం అక్టోబర్ నుంచి చాల అనుకూలంగా ఉంటుంది. అక్టోబర్ వరకు వ్యాపారంలో హెచ్చుతగ్గులు ఉంటాయి. శని గోచారం కారణంగా జూన్ – ఆగస్ట్ మధ్యన వ్యాపారం తగ్గటం కానీ, పెట్టుబడులు అనుకున్నంత లభించక పోవటం కానీ జరుగుతుంది. ఆగస్టు తర్వాత నుంచి పరిస్థితులు అనుకూలంగా మారతాయి. కొత్తగా వ్యాపారం ప్రారంభం చేయాలనుకునే వారు అక్టోబర్ వరకు ఆగటం మంచిది.

చదువు

విద్యార్థులకు ఈ సంవత్సరం అనుకూలంగా ఉంటుంది. సెప్టెంబర్ వరకు గురు దృష్టి చతుర్థ స్థానం మీద ఉండటం ఆ తర్వాత గురు గోచారం పదకొండవ ఇంట ఉండటం వలన విద్యార్థులకు బాగా కలిసి వస్తుంది. చదువు మీద ఆసక్తి పెరగటమే కాకుండా పరిక్షలలో అనుకున్న ఫలితాన్ని పొందగలుగుతారు. అయితే జూన్ – సెప్టెంబర్ మధ్యన శని గోచారం అనుకూలంగా ఉండదు కాబట్టి ఆసమయంలో కొంత బద్ధకం పెరగటం, చదువు మీద ఆసక్తి తగ్గటం జరుగుతుంది. వీలైనంత వరకు చదువు మీద శ్రద్ధ తగ్గకుండా చూసుకోవటం మంచిది. అలాగే రాహువు అష్టమ స్థానంలో సంచారం కూడా మానసికంగా ఆందోళనలను, వాయిదా వేసే స్వభావాన్ని ఇస్తుంది. గురు గోచారం అనుకూలంగా ఉంటుంది కాబట్టి మీ ఉపాధ్యాయుల, పెద్దల సహకారంతో విద్యలో మంచి అభివృద్ధిని సాధిస్తారు.

పరిహారాలు

ఈ సంవత్సరం శని, రాహువు అనుకూలంగా ఉండరు కాబట్టి ఈ రెండు గ్రహాలకు పరిహారాలు చేసుకోవటం మంచిది. శని జపం, లేదా స్తోత్రం చదవటం, తైలాభిషేకం చేపించటం మంచిది. అలాగే రాహు దోష నివారణ కొరకు దుర్గ స్తోత్రం చదవటం లేదా రాహు స్తోత్రం చదవటం మంచిది.

రాజాది నవనాయక ఫలితములు

12 రాశుల ఆదాయ, వ్యయాలు

27 నక్షత్రాల నక్షత్రాల కందాయ ఫలములు

హేమలంబ నామ సంవత్సర రాశి ఫలములు

Aries	Taurus	Gemini
Cancer	Leo	Virgo
Libra	Scorpio	Sagittarius
Capricorn	Aquarius	Pisces