కుంభ రాశిఫలములు

హేమలంబనామ సంవత్సర రాశిఫలములు

Telugu Rashi Phalalu (Rasi phalamulu)

Ugadi Rashi phalaalu

Telugu Rashi Phalalu (Rasi phalamulu) - 2017 - 2018 Hemalamba samvatsara Kumbha rashi phalaalu. Family, Career, Health, Education, Business and Remedies for Kumbha Rashi in Telugu

ధనిష్టా 3, 4 పాదాలు (గు, గె)
శతభిషం 4 పాదాలు (గొ, స, సి, సు)
పూర్వాభాద్ర 1, 2, 3 పాదాలు (సె, సో, ద)

కుంభ రాశి వారికి ఈ హేమలంబ నామ సంవత్సరంలో ప్రథమార్థం కొంత సామాన్యంగా ఉన్నప్పటికీ, ద్వితీయార్థం మాత్రం చాలా బాగుంటుంది. ప్రథమార్థంలో గురుగోచారం అష్టమంలో ఉండటం వలన ఆర్థిక సమస్యలు, ఆరోగ్య సమస్యలు ఎదుర్కుంటారు. ఆగష్టులో రాహువు ఆరవ ఇంటింకి, సెప్టెంబర్ లో గురువు తొమ్మిదవ ఇంటికి వస్తాడు అలాగే శని తిరిగి పదకొండవ ఇంటికి వస్తాడు. దాని వలన ఉద్యోగ విషయంగా, ఆర్థికంగా, కుటుంబ పరంగా అత్యంత అనుకూలంగా ఉంటుంది. వృత్తిలో మంచి అభివృద్ధి సాధిస్తారు. అలాగే కుటుంబంలో శుభకార్యాలు జరగటం, కుటుంబ సభ్యుల మధ్య ప్రేమాభిమానాలు పెరగటం, ఆర్థికంగా మంచి అభివృద్ధి సాధించటం జరుగుతుంది. ఈ సంవత్సరం అన్ని రకాలుగా మీకు కలిసి వస్తుంది.

కుటుంబం

ఈ సంవత్సరం ప్రథమార్థంలో గురు, రాహువుల గోచారం అనుకూలంగా లేని కారణంగా కుటుంబ కలహాలు పెరగటం, భార్యాభర్తల మధ్య అపోహలు, గొడవలు పెరగటం జరుగుతుంది. అలాగే కుటుంబ సభ్యులకు అనారోగ్య సమస్యలు రావటం, దాని వలన మీకు మానసిక ప్రశాంతత లోపించటం జరుగుతుంది. ముఖ్యంగా మీ జీవిత భాగస్వామితో సమస్యలు వచ్చే అవకాశముంటుంది. అలాగే బంధువుల కారణంగా అవమాన పడటం జరుగుతుంది. అయితే ఆగష్టులో రాహువు ఆరవ ఇంటికి రావటం, గురువు సెప్టెంబర్ లో తొమ్మిదవ ఇంట సంచరించటం వలన గత సంవత్సర కాలంగా మీరు పడుతున్న బాధలనుంచి విముక్తి లభిస్తుంది. భార్యాభర్తల మధ్య అపోహలు తొలగిపోయి గొడవలు సద్దుమణుగుతాయి. అలాగే కుటుంబ సభ్యుల ఆరోగ్యం కుదుట పడుతుంది. మీ సోదరుడు లేదా సోదరికి వివాహం నిశ్చయం అవటం లేదా వారికి ఉద్యోగంలో మంచి ఉన్నతి లభించటం జరుగుతుంది. అలాగే మీ తల్లిదండ్రుల ఆరోగ్యం బాగవుతుంది. మీ కుటుంబ సభ్యులతో వినోదయాత్రలు చేస్తారు. వివాహం గురించి కానీ, సంతానం గురించి కానీ ఎదురుచూస్తున్న వారికి ఈ సంవత్సరం ద్వితీయార్థంలో వారి కోరికలు నెరవేరుతాయి. గురువు తొమ్మిందింట గోచారం అదృష్టాన్ని, ఆనందాన్ని ఇస్తుంది. శని పదకొండవ ఇంట సంచారం కారణంగా బంధువుల నుంచి, మితృల నుంచి సహాయ సహకారాలు అందుకుంటారు. గతంలో మీకు కీడు చేయాలని చూసిన వారు తమతప్పు తెలుసుకుంటారు.

ఆరోగ్యం

ఈ సంవత్సరం ఆరోగ్య విషయంలో ప్రథమార్థం కొంత సామాన్యంగా ఉంటుంది. ద్వితీయార్థం అనుకూలంగా ఉంటుంది. గురు గోచారం అష్టమంలో ఉన్నంత కాలం ఆరోగ్య విషయంలో సమస్యలు ఉంటాయి. ముఖ్యంగా కాలేయ సంబంధ సమస్యలు, వెన్ను నొప్పి అలాగే మూత్రపిండాలకు సంబంధించిన సమస్యలు ఉంటాయి. అలాగే కేతువు జన్మాన సంచరిస్తాడు కాబట్టి మానసిక ఒత్తిడి అధికంగా ఉంటుంది. ఏదో కోల్పోతామన్న భయం, తప్పు చేస్తామన్న భయం నిరంతరం వెంటాడుతుంది. అయితే మీ రాశ్యాధిపతి శని గోచారం జూన్ వరకు అనుకూలంగా ఉంటుంది కాబట్టి ఈ సమస్యల నుంచి భయటపడ గలుగుతారు. జూన్, ఆగష్టు మధ్యన ఆరోగ్య విషయంలో జాగ్రత్త అవసరం. ఆగష్టులో రాహువు, సెప్టెంబర్ లో గురువు అనుకూలంగా సంచరిస్తారు కాబట్టి ఆరోగ్య సమస్యలు తగ్గుముఖం పడతాయి, సెప్టెంబర్ నుంచి ఆరోగ్య విషయంలో అన్ని రకాలుగా బాగుంటుంది.

ఆర్థిక స్థితి

ఈ సంవత్సరం ఆర్థికంగా చాలా బాగుంటుంది. ప్రథమార్థంలో జూన్ వరకు శని అనుకూలంగా ఉండటం, సెప్టెంబర్ నుంచి గురువు అనుకూలంగా రావటం వలన ఈ సంవత్సరం ఆర్థికంగా చాలా బాగుంటుంది. అయితే ప్రథమార్థంలో జూన్ వరకు ఆదాయం బాగున్నప్పటికీ పెట్టుబడులకు అంతగా అనుకూలించే సమయం కాదు. గురువు అష్టమస్థానంలో సంచరిస్తాడు కాబట్టి సెప్టెంబర్ వరకు పెట్టుబడులు పెట్టడం అలాగే గృహం, వాహనం కొనుగోలు చేయటం అంతగా అనుకూలించదు. కొత్తగా ఇల్లు లేదా స్థిరాస్థి కొనుగోలు చేయాలనుకునే వారు సెప్టెంబర్ లో గురువు మారే వరకు ఆగటం మంచిది. ఉద్యోగస్థులకు ఈ సంవత్సరం ఆదా. పెరుగుతుంది. అలాగే వ్యాపారస్థులకు మంచి లాభాలు వస్తాయి. షేర్ మార్కెట్ లో లేదా వ్యాపారంలో పెట్టుబడులు పెట్టేవారు జూన్, సెప్టెంబర్ మధ్యన జాగ్రత్తగా ఉండటం మంచిది. ఈ సమయంలో భారీ పెట్టుబడుల జోలికి వెళ్లకపోవటమే మంచిది.

ఉద్యోగం-వ్యాపారం

ఉద్యోగస్థులకు ఈ సంవత్సరం అనుకూలంగా ఉంటుంది. ముఖ్యంగా శని గోచారం సంవత్సరమంతా అనుకూలంగా ఉండటం వలన ఉద్యోగంలో మంచి ప్రగతి సాధించటమే కాకుండా మంచి పేరు సంపాదిస్తారు. మీ శ్రమకు తగిన గుర్తింపు లభిస్తుంది. అయితే సెప్టెంబర్ వరకు గురు గోచారం అనుకూలంగా లేక పోవటం వలన ఆర్థికంగా పెద్దగా అనుకూలించదు. మీరు చేసే పనికి గుర్తింపు వచ్చినప్పటికీ సెప్టెంబర్ వరకు ఆదాయంలో అభివృద్ధి కనిపించదు. సెప్టెంబర్ లో గురువు మారాక ఆదాయం కూడా పెరుగుతుంది. పదోన్నతి కొరకు ఎదురు చూస్తున్న వారికి అక్టోబర్ తర్వాత అనుకూల ఫలితాలు లభిస్తాయి. అలాగే కొత్తగా ఉద్యోగ ప్రయత్నాలు చేస్తున వారికి జూన్ వరకు, తిరిగి అక్టోబర్ నుంచి అనుకూల సమయం. సెప్టెంబర్ తర్వాత ఉద్యోగ రీత్యా విదేశీయానం చేసే అవకాశముంటుంది. వ్యాపారస్థులకు ఈ సంవత్సరం సెప్టెంబర్ వరకు సామాన్యంగా ఉంటుంది. వ్యాపారం మందకొడిగా సాగటమే కాకుండా ఆర్థికంగా పెద్దగా అభివృద్ధి ఉండదు. ముఖ్యంగా రాహు గోచారం కారణంగా అవకాశాలు దగ్గరిదాక వచ్చి చేజారి పోవటం జరుగుతుంది. అయితే ఆగష్టులో రాహువు ఆరవ ఇంటికి, సెప్టెంబర్ లో గురువు తొమ్మిదవ ఇంటికి మారాక వ్యాపారంలో అనూహ్యమైన అభివృద్ధి ప్రారంభమవుతుంది. గతంలో పోయిన అవకాశాలు, ఒప్పందాలు తిరిగి రావటం, వ్యాపారం అభివృద్ధి పథంలో నడవటమే కాకుండా ఆదాయం కూడా బాగా పెరుగుతుంది. గత సంవత్సర కాలంగా నష్టాలతో నడుస్తున్న వ్యాపారం లాభాలు కళ్లజూస్తుంది.

చదువు

ఈ సంవత్సరం విద్యార్థులకు అనుకూలంగా ఉంటుంది. ప్రారంభంలో కొంత సమస్యాత్మకంగా ఉన్నప్పటికీ, సెప్టెంబర్ నుంచి పూర్తి అనుకూలంగా ఉంటుంది. సంవత్సరం ప్రథమార్థంలో గురువు అష్టమస్థానంలో సంచారం కారణంగా చదువు మీద శ్రద్ధ తగ్గడం, వితండ వాదం చేయటం, ప్రతి దానిని ప్రశ్నించటం చేస్తారు. చదువును, పనులను వాయిదా వేయటం చేస్తారు. శని లాభస్థానంలో ఉండటం కారణంగా మంచి మార్కులతో ఉత్తీర్ణులు అవుతారు. సెప్టెంబర్ నుంచి గురువు అనుకూలంగా ఉండటం, రాహు, శని గోచారాలు కూడా బాగుండటం వలన చదువు విషయంలో మంచి ప్రగతి సాధిస్తారు. పట్టుదల పెరుగుతుంది. చదువు మీద శ్రద్ధ పెరుగుతుంది. అలాగే పెద్దవారి పట్ల వినయ విధేయతలు పెరుగుతాయి. ఉన్నత విద్యాయోగం ఉంటుంది. అలాగే విదేశాలలో విద్యాభ్యాసం చేయాలనుకునే వారికి ఈ సంవత్సరం ద్వితీయార్థం నుంచి అనుకూలంగా ఉంటుంది.

పరిహారాలు

ఈ సంవత్సరం ప్రథమార్థంలో రాహువు, కేతువు, గురువు అనుకూలంగా ఉండరు, ద్వితీయార్థంలో కేతువు అనుకూలంగా ఉండడు కాబట్టి ఈ మూడు గ్రహాలకు పరిహారాలు చేయటం మంచిది. రాహుదోష నివారణకు గాను దుర్గా స్తోత్రం చదవటం, రాహువుకు పూజ చేపించటం, అలాగే కేతు గ్రహ దోష నివారణకు గణపతి పూజ చేయటం, కేతు పూజ చేయటం మంచిది. గురు గ్రహ దోష నివారణకు గురువారం గురువుకు పూజ చేసి శనగలు దానం చేయటం, అలాగే గురు స్తోత్రం కానీ, గురు చరిత్ర కానీ పారాయణం చేయటం మంచిది.

రాజాది నవనాయక ఫలితములు

12 రాశుల ఆదాయ, వ్యయాలు

27 నక్షత్రాల నక్షత్రాల కందాయ ఫలములు

హేమలంబ నామ సంవత్సర రాశి ఫలములు

Aries	Taurus	Gemini
Cancer	Leo	Virgo
Libra	Scorpio	Sagittarius
Capricorn	Aquarius	Pisces