భావముల పరిచయం - కారకత్వములు

లాభభావము:

మనకు లాభించే అన్ని రకముల అంశములకు ఈ భావము కారకత్వము వహిస్తుంది. ఇతర కారకత్వములు ఈ విధముగా ఉంటాయి. లాభం, డబ్బురాబడి, ఆయుర్దాయము, జయము, శుభము, లాటరీ, ఉద్యోగ వృద్ధి, సర్వలాభము, ప్రభుధనం, దైవపూజ, మిత్రలాభం, కోర్కెలు, పిక్క, మోకాలు, మామవలన లాభం, జ్యేష్ట సోదరీ, సోదరులు, ధనార్జన, స్నేహం, ఆకస్మిక నష్టద్రవ్య లాభం, యోగఫలం, బహుభార్యలు, రాజగౌరవం, భూమి వృద్ధి, వాహన సుఖం, దుఃఖనివృత్తి, వస్త్రాభరణాలు, నాటక,సంగీత వృత్తి, జ్ఞానం, రాజ విహిత అనుకూలం, సముద్రయానం, స్నేహితులు, కోరికలు, వాంఛలు, యజమానియొక్క ఆస్తి విషయములు, వారసత్వ పర్యవసానము, తండ్రి మరణము, ధన, ధాన్య పశ్వాది అన్ని వస్తువుల లాభ విషయములు మరియు కుటుంబ సౌఖ్యము మొదలైన విషయములు ఈ లాభ భావము ద్వారా తెలుసుకోవచ్చు.దీనికి లాభ, ఆయ, ఆగమ, మరియు ప్రాప్తి అనే పేర్లు కలవు.