రాజ్యభావము- జ్యోతిష పాఠములు

భావముల పరిచయం - కారకత్వములు

రాజ్యభావము:

పదవ భావము కారకత్వము వహించే అంశములు



మనము చేసే వృత్తి, వ్యాపారాలు, పనులు, కీర్తి ప్రతిష్టలు మొదలైన వాటికి ఈ భావము ప్రధానముగా కారకత్వము వహిస్తుంది. పదవ భావం ఇతర కారకత్వములు: రాజ్యం, కర్మ, మానసం, వ్యాపారం, అంబరం, కార్యం, పుణ్యం, వీర్యం, సత్కర్మ, జీవనం, కీర్తి, నేర్పు, ప్రతిజ్ఞ, మంత్ర సిద్ధి, నిగ్రహం, ముద్రాధికారం, విదేశీ రాబడి, పితృజయాపజయం, ఉద్యోగం, అధికారం, మానము, తొడలు, గౌరవం, అలంకారము, వస్త్రములు, నిద్ర, కృషి, సన్యాసాశ్రమం, ఆగమ కర్మలు, విద్యా విషయములు, అనేక పుణ్యాలు, భూ లాభం, దయా గుణం, జ్ఞాన మార్గం, ఇల్లు, దేవ యుక్తి, సౌకర్యం, గర్భవాసం, దేశాటనం, మర్యాద, పలుకుబడి, అభివృద్ధి, యజమాని, పరిపాలనా విధాన విషయములు, అధికారవర్గము, న్యాయాధికారులు, అత్తగారు, దొంగలింపబడిన ఆస్థి, తండ్రియొక్క శతృవులు, స్నేహితుల విరోధులు, రాజాశ్రయం, రాజువలన విశేషాధికార ప్రాప్తి, వ్యాపారము వలన యశము లేదా అపయశము, పుణ్య సమృద్ధి, పితృ సంబంధ సుఖదుఃఖాలు, తండ్రి మరణం ఇత్యాదులు ఈ భావం వలన తెలుస్తాయి. దశమభావానికి తాత, ఆజ్ఞ, మాన, కర్మ, ఆస్పద, గగన, నభ, వ్యోమ, మేషూరణ, మధ్య, వ్యాపార మరియు దశమభావమని పది పేర్లు కలవు.

---