శతృభావము - జ్యోతిష పాఠములు - Vedic Astrology lessons in Telugu

భావముల పరిచయం - కారకత్వములు

శతృభావము:

ఆరవ భావము కారకత్వము వహించే అంశములు

మనిషికి సంబంధించిన బాధలు, భయాలు, అప్పులు, రోగాలు, మొదలైన వాటికి కారకత్వము వహించేది శతృభావము. మనలోని లోపాల్ని ఎత్తి చూపి వాటిని తొలగించుకోవటము ద్వారా మన అభివృద్ధికి తోడ్పడే భావమిది. దీని కారకత్వములు ఈ విధముగా ఉంటాయి. శతృవు, రణము, ఋణము, రోగము, శూల, గ్రంథులు, గాయాలు, భయము, పాపము, కోపము, దుఃఖము, వ్యసనము, పీడ, ఉన్మాదము, కారాగృహము, సేవకులు, మేహ వ్రణము, మేనమామ, స్ఫోటకము, అపవాదులు, ఉష్ణము, రిపు, శ్లేష్మ వ్యాధులు, ఉగ్రకర్మలు, విరోధము, కుత్సిత బుద్ధి, చోరులు, అతిసారము, సహోదరాది కలహము, శరీరములో రహస్య స్థలములలో వచ్చే వ్యాధులు, అతి మూత్రము, మూల వ్యాధి, మతి భ్రమ, ఆయుధము, జల గండము, బాంధవ్యము, విరోధము, మరణ బాధ, అప్పు, వ్యభిచారము, విషము, కారాగారవాసము, దుస్తులు, దేహారోగ్య సంరక్షణ, ఆహారము, వృత్తి, సేవ, నౌకరులు, చిన్న పెంపుడు జంతువులు, పోలీసు, మిలటరీ, నౌకా విషయములు, పినతండ్రి, పినతల్లి, వ్యవసాయదారులు, కౌలుదారులు, స్నేహితుల మరణము, ప్రథమ సంతానముయొక్క ధన విషయములు, భాగస్థుల విరోధము, భార్య అనారోగ్యము, శతృవులు ఉంటారా లేదా?, వారి వృద్ధి లేదా నాశనము, రోగోత్పత్తి, గాయములు, మేనమామ ద్వారా సుఖ దుఃఖములు, మొదలైన విషయములు ఈ ఆరవ భావము ద్వారా తెలుసుకోవచ్చు. దీని అధికారము కటి స్థానము పైన ఉంటుంది. ఈ భావానికి రిపు, ద్వేష, వైరి, క్షత, మరియు షష్ట భావమని ఐదు పేర్లు కలవు.