వృషభ రాశి 2021 సంవత్సర రాశి ఫలములు

వృషభ రాశి రాశిఫలములు

2021 సంవత్సర రాశి ఫలములు

Telugu Rashi Phalalu (Rasi phalamulu)

2021 Rashi phalaalu (rasi phalamulu)

Telugu Rashi Phalalu (Rasi phalamulu) - 2021 samvatsara Vrishabha rashi phalaalu. Family, Career, Health, Education, Business and Remedies for Vrishabha Rashi in Telugu

 కృత్తిక నక్షత్రం 2,3,4 పాదములు (ఈ,ఊ,ఏ) రోహిణి నక్షత్రం 1,2,3,4 పాదములు,(ఓ,వా,వీ,వూ) , మృగశిర నక్షత్రం 1,2 పాదములలో (వే,వో) జన్మించిన వారు వృషభ రాశి జాతకులు

ఈ సంవత్సరం బృహస్పతి మినహా మిగిలిన అన్ని ఇతర నెమ్మదిగా కదిలే గ్రహాలు ప్రస్తుతం తామున్న రాశులపై తమ సంచారాన్ని కొనసాగిస్తాయి. శని మకర రాశిలో తొమ్మిదవ ఇంటిలో, రాహువు వృషభ రాశిలో, ఒకటవ ఇంటిలో , వృశ్చిక రాశిలో కేతువు సప్తమ స్థానంలో తమ సంచారాన్ని కొనసాగిస్తారు. గురుడు ఏప్రిల్ 06న కుంభ రాశిలో పదవ ఇంటిలో ప్రవేశిస్తాడు. వక్రగతి పొందిన తరువాత 14 సెప్టెంబర్ నాడు, మకర రాశిలో, తొమ్మిదవ ఇంటిలో తిరిగి తన సంచారాన్ని కొనసాగిస్తాడు, నవంబర్ 20న గురుడు మళ్లీ పదవ ఇంటిలో ప్రవేశిస్తాడు.

ఉద్యోగం

ఈ ఏడాది మీ వృత్తి లో ఎదుగుదల గత సంవత్సరం కంటే మెరుగ్గా ఉంటుంది. పనిలో నిరంతర విజయం ఉంటుంది. మీకు ఇవ్వబడిన పనులను, బాధ్యతలను కష్టపడి పూర్తిచేయడం ద్వారా మీ వృత్తిలో పురోగతి సాధిస్తారు. ఏప్రిల్ వరకు గురువు తొమ్మిదవ ఇంటిలో సంచరించటం వలన ఈ సమయం అత్యంత అనుకూలంగా ఉంటుంది. మీరు ఎదురుచూడని అవకాశాలు మీ తలుపు తడతాయి. దాని వలన మీ వృత్తిలో మంచి అభివృద్ధి సాధిస్తారు. ఉద్యోగ రీత్యా విదేశాలకు వెళ్లాలనుకునే వారికి అలాగే విదేశాల్లో స్థిరపడాలని కొనేవారికి ఈ సంవత్సరం అనుకున్న ఫలితం ఉంటుంది. ఏప్రిల్ తర్వాత గురు శని ఇద్దరు పదవ ఇంటిలో సంచరిస్తారు కాబట్టి ఈ సమయంలో వృత్తిలో అనుకూలమైన మార్పులు ఉంటాయి. పనిలో ఎక్కువగా ఒత్తిడి కారణంగా మీరు మీ కుటుంబంతో గడిపే సమయం తక్కువ అవుతుంది దాని వలన మీ కుటుంబంలో మీ పట్ల వ్యతిరేకత ఏర్పడుతుంది. కాబట్టి, వృత్తి తో పాటుగా కుటుంబానికి కూడా కొంత సమయాన్ని కేటాయించడం మంచిది. శని దృష్టి ఏడవ ఇంటిలో, పన్నెండవ ఇంటిలో మరియు నాలుగవ ఇంటిలో ఉండటం వలన ఈ సంవత్సరం ప్రయాణాలు అధికంగా ఉండటం కుటుంబానికి ఇంటికి దూరంగా ఉండాల్సి రావడం అలాగే ఎక్కువ బాధ్యతలు చేపట్టాల్సి రావటం జరుగుతుంది. చేసిన పనికి గుర్తింపు రావాలనే ఉద్దేశ్యంతో ఎక్కువ కష్టపడడం వలన మీరు శారీరకంగా మానసికంగా ఒత్తిడికి లోనయ్యే అవకాశం ఉంటుంది కాబట్టి పనితో పాటు మీ ఆరోగ్యానికి కూడా సరైన సమయాన్ని కేటాయించడం మంచిది. జన్మ స్థానం లో రాహు సంచారం కారణంగా మీలో అహంకారం అలాగే మొండి పట్టుదల ఎక్కువ అవుతాయి దీని కారణంగా మీకు సంబంధం లేని పనులను అవసరం లేని పనులను తలపై వేసుకొని సమస్యలను ఎదుర్కోవాల్సి వస్తుంది. వీలైనంత వరకు మీ పని పట్ల మీరు శ్రద్ధ వహించండి తప్ప మిగిలిన పనుల విషయంలో జోక్యం చేసుకోకపోవడం, గొప్పలకు పోయి ఇతరుల పనులను చేయాలను కోవడం తగ్గించడం మంచిది.

కుటుంబం

ఈ సంవత్సరం ప్రారంభంలో కుటుంబ దృక్పథానికి అనుకూలంగా ఉంటుంది. కుటుంబంలోని పెద్దల సహకారంతో నే పని చేయండి. ఫలితంగా కుటుంబం పట్ల మానసిక సంతృప్తి, ఆకర్షణ లభిస్తాయి. ఈ ఏడాది ఉన్నత సామాజిక హోదా, ప్రతిష్ఠ లభిస్తాయి. ఏప్రిల్ నుంచి సెప్టెంబర్ మధ్యన గురు దృష్టి 2వ, 4వ భావాలపై ఉంటుంది కాబట్టి కుటుంబ పరిస్థితులు అనుకూలిస్తాయి. మీ తల్లిదండ్రులతో సహా కుటుంబసభ్యులందరి సహకారం లభిస్తుంది. సప్తమ గృహమునందు కేతువు ఉండటం వలన మీ జీవిత భాగస్వామి ఆరోగ్యం క్షీణించడం వలన మీరు అశాంతి మరియు ఆందోళన తో ఉంటారు. జీవిత భాగస్వామితో అభిప్రాయభేదాలు ఉండవచ్చు. ఈ సంవత్సరం ప్రత్యేకంగా పిల్లల విషయంలో మంగళకరమైనది. మీ పిల్లలు తమ కృషిని బట్టి పురోభివృద్ధి సాధి౦చగలుగుతారు. మానసిక సామర్థ్యాల కారణంగా వీరు తమ లక్ష్యాలను సాధిస్తారు. మీ పిల్లలు తమ లక్ష్యాలను చేరుకునేలా మీరు ఎల్లప్పుడూ స్ఫూర్తిని అందించాలి. ఈ సంవత్సరం మీ పిల్లల పురోగతి మరియు వారి గౌరవానికి సంబంధించి మీరు పూర్తిగా సంతృప్తి చెందవచ్చు, వారితో చక్కటి మరియు ఆహ్లాదకరమైన సంబంధం ఉంటుంది.

ఆర్థికస్థితి

ఈ సంవత్సరం ఆర్థికంగా అనుకూలంగా ఉంటుంది. ముఖ్యంగా ఏప్రిల్, సెప్టెంబర్ నెలల మధ్యలో గురు దృష్టి రెండవ ఇంటిలో ఉండటం వలన ఆర్థికంగా మంచి అభివృద్ధి చూస్తారు. అలాగే పెట్టిన పెట్టుబడి నుంచి మంచి లాభాలను ఆర్జిస్తారు. కుటుంబ సభ్యుల సహాయ, సహకారాలతో ఆర్ధిక సమస్యల నుంచి బయట పడగలుగుతారు. గురు దృష్టి అనుకూలంగా ఉన్నప్పటికీ సంవత్సరమంతా శని దృష్టి పదకొండవ ఇంటిపై ఉండటం వలన వచ్చే లాభాలలో కొంత తగ్గుదల చూస్తారు. కష్టానికి తగిన ఫలితం రాకపోవడం వలన కొంత అసంతృప్తికి, అసహనానికి లోనవుతారు. మీ కుటుంబ సభ్యులు, బంధువుల శుభకార్యాలకు ఖర్చు అవుతుంది. ఒకవేళ మీరు పెద్దమొత్తంలో పెట్టుబడి పెట్టాలనుకుంటే, సంబంధిత రంగంతో సంబంధం ఉన్న అనుభవజ్ఞులను సంప్రదించాలి. గురుడు తొమ్మిదవ ఇంటిలో ఉన్నందున సెప్టెంబర్ 14 తరువాత ధార్మిక పనులు, ప్రయాణాలకు ధనం ఖర్చు చేసే సూచనలున్నాయి.

ఆరోగ్యం

ఈ సంవత్సరం ఆరోగ్యం బాగుంటుంది. సంవత్సరం ప్రారంభంలో గురు దృష్టి లగ్నంపై, ఐదవ ఇంటిపై ఉండటం వలన ఆరోగ్యం బాగుండటమే కాకుండా, గతంలో ఉన్న ఆరోగ్య సమస్యలు తగ్గుముఖం పడతాయి. అయితే ఏప్రిల్ సెప్టెంబర్ మధ్య గురు గోచారం పదవ ఇంటికి మారటం మరియు ఒకటవ ఇంటిలో రాహువు సంచారం కారణంగా మెడలు, తల, మరియు మెదడుకు సంబంధించిన ఆరోగ్య సమస్యలు ఉండే అవకాశముంటుంది. ఆవేశానికి పోయి, లేదా ఎదుటివారి పొగడ్తలకు లొంగి అనాలోచితంగా సమస్యలను తెచ్చుకోవటం మంచిది కాదు. ముఖ్యంగా మీరు వాహనాలు నడిపే సందర్భంలో కొంత జాగ్రత్తగా ఉండటం మంచిది. మీ ఆహారపు అలవాట్ల విషయంలో, ఇతర అలవాట్ల విషయంలో జాగ్రత్తగా ఉండటం వలన చాలా సమస్యలు తొలగిపోతాయి.

చదువు

ఈ ఏడాది విద్యార్థులకు అనుకూలంగా ఉంటుంది. నాలుగవ మరియు ఏడవ భావాలపై గురు దృష్టి కారణంగా చదువులో ఆసక్తి పెరగటమే కాకుండా, పరీక్షలలో మంచి ఫలితాన్ని పొందుతారు. ఉన్నత విద్య కోసం ప్రయత్నిస్తున్న వారు ఉన్నత విద్యాసంస్థల్లో ప్రవేశం పొందుతారు. పోటీ పరీక్షలకు సిద్ధమవుతున్న వారికి ఏప్రిల్ తర్వాత గురువు మరియు శని దృష్టి, 2వ మరియు ఆరవ ఇళ్లపై ఉండటం వలన పోటీపరీక్షలలో విజయం సాధిస్తారు.

పరిహారాలు

ఈ సంవత్సరం రాహువు మరియు కేతువు గోచారము అనుకూలంగా ఉండదు. ఒకటవ ఇంటిలో రాహువు గోచరము కారణంగా ఆరోగ్య సమస్యలు రావటం, వివాదాలు పెరగటం మొదలైన చెడు ఫలితాలు ఉంటాయి. ఈ చెడు ప్రభావం తగ్గడానికి ప్రతి రోజు రాహు స్తోత్రం పారాయణం చేయటం కానీ, రాహు మంత్ర జపం చేయటం కానీ మంచిది. వీటితో పాటు దుర్గా స్తోత్రం ప్రతి రోజు చదవటం మంచిది. ఏడవ ఇంట కేతు గోచారం కారణంగా జీవిత భాగస్వామితో వివాదాలు రావడం కానీ, వారికి ఆరోగ్య సమస్యలు రావడం కానీ, వ్యాపారంలో సమస్యలు రావడం గానీ జరుగుతుంది. ఈ దోష నివారణకు ప్రతిరోజు కేతు స్తోత్రం చదవడం కానీ లేదా కేతు మంత్ర జపం చేయడం కానీ మంచిది. వీటితో పాటు గణపతి స్తోత్రం చదవడం లేదా గణపతి పూజ చేయడం మంచిది.

రాజాది నవనాయక ఫలితములు

12 రాశుల ఆదాయ, వ్యయాలు

27 నక్షత్రాల నక్షత్రాల కందాయ ఫలములు

వికారి నామ సంవత్సర రాశి ఫలములు

Aries	Taurus	Gemini
Cancer	Leo	Virgo
Libra	Scorpio	Sagittarius
Capricorn	Aquarius	Pisces